TIRANË– Nëna e Luis Meçes, shokut të plagosur të 14-vjeçarit Martin Cani që u vra më 18 Nëntor pranë shkollës 9-vjeçare Fan Noli në zemër të Tiranës, ka folur sot në emisonin “Me Zemër të Hapur” në News 24.
Sipas saj autori e ka bullizuar Martinin për të vëllanë, ndërsa zbulon se e ka goditur një burrë një ditë para ngjarjes.
Fjala e nënës së Luis Meçes, shokut të Martin Canit:
Djali ka nisur të lëvizë nga pak. Po, kam folur me djalin. Djali ka thënë gjithçka tek autoritetet. Dua që drejtësia të vendoset në vend. Isha në punë dhe më thanë që kështu ka ndodhur me djalin. Djali im ka qenë shumë i urtë. Martini dhe djali im ishin djem shembullor, se e njihja prej shumë vitesh. Djali im ka qenë në gjendje të rëndë. Të dy djemtë ishin në rrezik për jetën.
Ma tha një oficer policie. Ai thotë se ka parë dy vetë përballë tyre. Ata janë takuar për një “sqarim”, kishin ofenduar Martinin. Për vëllanë, pse më pe e pse të pashë, unë jam më i forti, për kështu muhabetesh janë zënë. Nuk ka lidhje fare me vajzat. Martinin e bullizonin për vëllanë. Një burrë e ka goditur Martinin. Luizi sapo ka dalë nga spitali ka shkuar tek babai i Martinit. Djali im është tepër i tronditur./Radar.al
E rëndë/ U sulmua drejt e në zemër nga shoku i tij. Ndërron jetë në spital nxënësi i “Fan Nolit”