Kryedemokrati Sali Berisha, pas 11 muajsh për herë të parë u rikthye në Kuvend ku dhe mbajti fjalimin e tij.
Në fjalën e parë në sallën e kuvendit, kryetari i PD Berisha e fokusoi vëmendjen në një prej seancave më të tensionuara, mbledhjen e parlamentit gjatë së cilës socialistët votuan për t’i hequr atij imunitetin me kërkesën e SPAK.
“Ju më 21 dhjetor votuat për të kompletuar grushtin e shtetit ndaj opozitës shqiptare. Mirëpo, sot ja ku jam. Unë vij këtu me mesazhin e fitores. Vij këtu fitimtar, vij këtu për të udhëhequr opozitën drejt fitores”, tha Berisha.
5 muaj larg zgjedhjeve parlamentare, Berisha shfrytëzoi buxhetin për vitin e ardhshëm për të akuzuar shumicën socialiste se ka lënë pa mbështetje shtresat më të varfra të shoqërisë shqiptare, pensionistët dhe familjet që marrin ndihmë ekonomike.
“8.2 miliardë euro, po si mund të votoni ju një buxhet të tillë dhe të mos i rrisni të paktën 20 përqind pensionet në Shqipëri. Sepse ju zgjidhni midis vjedhjes dhe pasurimit tuaj dhe kafashatës së qytetarëve. Si mund të votohet buxheti 8.2 miliardë dhe të mos vendoset minimumi jetik 200 euro për shqiptarët?”, deklaroi Berisha.
LEXO EDHE:
Ezani tek Namazgjaja i ndërpret deklaratën/ Berisha: A s’ka vënë kasetën? Do ta respektojmë!
“Qerpikë dhe parfume të shtrenjtë”/ Berisha për maxhorancën: Luksi haram. Aty bëhet paradë