Zëvendësdrejtor i Krimit në Tiranë, Erion Ismaili ka zbuluar sonte detaje nga pamjet e kamerave që disponohen të konfliktit ku mbeti i vrarë Martin Cani dhe i plagosur Luis Meçe.
Sipas tij, kanë qenë 9 nxënës dhe momenti i konfrontimit mund të ketë zgjatur rreth 10 sekonda.
“Në këtë vendngjarje kemi evidentuar 9 nxënës shkolle, 6 prej tyre janë në krahun e viktimës. Në krahun e autorit është autori dhe një nxënës tjetër. Janë identifikuar këta persona, janë pyetur dhe ripyetur. 3 prej tyre nuk janë të shkollës “Fan Noli”, janë nga krahu i viktimës. Kemi një dinamikë të qartë të ngjarjes. Që nga momenti i sherrit… momenti i goditjes është në disa sekonda. Debati dhe momenti i konfrontimit mund të jetë 10 sekonda. Nuk e kemi të filmuar këtë. Kemi video dhe gjatë momentit”.