Apple, kompania gjigante e teknologjisë, së fundmi ka dalë me njoftimin se pajisjet më të vjetra do të kenë nevojë për përditësime të softuerit për të vazhduar përdorimin e kopjeve rezervë (Backup) të iCloud.
Që nga data 18 dhjetor, pajisjet duhet të funksionojnë me të paktën versionin iOS 9, i cili u lansua në vitin 2015.
Nëse pajisjet funksionojnë me iOS 8 ose më herët, përdoruesit nuk do të kenë më mundësi të krijojnë kopje të reja rezervë (Backup) ose të aksesojnë ato ekzistuese.
Kjo masë prek pajisjet e viteve të para të dekadës së kaluar, përfshirë iPhone 4S, iPad 2 dhe iPod touch të gjeneratës së pestë.
Apple rekomandon përdoruesit të përditësojnë softuerin përmes cilësimeve të pajisjes, duke shkarkuar versionin më të fundit të disponueshëm për pajisjet e tyre.
LEXO EDHE:
Ç’po ndodh me Apple? Nga radhë të gjata pritjeje për të blerë në protesta kundra