Më në fund, Arbana Osmani publikoi projektin e saj që e rikthen tek publiku pas një kohë të gjatë shkëputje nga ekrani, mes angazhimeve me familjen dhe biznesin.
“Mirëmbrëma yje” është titulli i ciklit të emisioneve që ajo do të bëjë në podcastin e ri. Të ftuarin e parë ajo e zbuloi përmes një buqete me lule që i kishte nisur personazhi i emisionit, pikërisht këngëtarja Tayna.
Por një tjetër i ftuar do të jetë Ledri Vula. Ai duket gjatë momenteve kur Eduart Grishaj është duke edituar intervistën. Se a e ka “zbërthyer” Arbana Ledrin për jetën e tij private dhe ndarjen nga Sara Hoxha, kjo mbetet për t’u parë.
Nga teaser i publikuar në Youtube, të ftuar të tjerë ishin edhe Xhemi Shehu, Xhensila Myrtezaj, Ylli Limani, Alban Skënderaj dhe të tjerë VIP-a.
“Mirëmbrëma yje” është një cikël emisionesh i konceptuar dhe drejtuar nga Arbana Osmani. Programi xhirohet në Bogë (Malësi e madhe) në shtëpine e Arbanës. Ajo mirëpret në shtëpi disa nga personazhet më në zë të artit, show biz, sportit apo biznesit dhe i fton të gatuajnë bashkë, të rrëfehen, të luajnë, diskutojnë, këndojnë apo kërcejnë.
“Mirëmbrëma Yje”/ Një ditë pasi tregoi projektin e ri, Arbana zbulon një tjetër të ftuar VIP (EMRI)