Një histori dashurie e pazakontë ka tronditur studion e emisionit “Pa gjurmë”.
Ishte historia e një 21-vjeçareje, ajo që la pa fjalë dhe vetë moderatoren.
Teksa vajza tregon historinë e saj të martesës ajo na zbulon se si burri e tradhëtonte e pastaj akuzonte atë për tradhëti.
Pengu më i madh i të resë në fjalë mbetet çasti kur prindërit i kërkuan mos të pranonte martesën ndërsa zemra e saj bëri të kundërtën.
“Mami e babi më thanë mos dil prej dere edhe pse ke vellon e bardhë. Vetëm ajo ditë ishte e lumtur për mu. M’u bo ferr ajo shpi. Filluan konfliktet me vjehrrën si fillim, i thonte djalit të saj këtë s’e du te shpia, gjej naj nuse tjetër. Mundohesha të flisja me bashkëshortin, ta trajtoja si shok. Atë që ia thoja shkonte e ia thoshte nënës së tij. Nëna e tij kur dilja unë jashtë, ajo përsëriste fjalët e mia. Nuk më linte të shkoja as te nëna. Kisha 3 muaj që nuk kisha pa nënën me sy.Pas 1 muaj martesë e gjeta duke fol me një vajzë. Ai pavarësisht se më donte, unë humba besimin. Kunati me vjehrrën i thanë shiko kjo të ka tradhëtuar ty, ai më goditi. I thashë a e pate seriozisht këtë të goditurën që më dhe? Atë ditë mora vendimin e u largova. Ka 1 vit që kamshkuar te babi e nuk jam kthyer më” u shpreh 21-vjeçarja.
View this post on Instagram