Rritja e çmimit të energjisë/ Bardhi: Shqiptarët paguajnë më shumë se qeveria po vjedh

Pas lajmit se çmimi i energjisë elektrike do ketë rritje, demokrati gazment Bardhi ka reaguar në faqen e tij zyrtare në Facebook.

Përgjatë postimit, Bardhi akuzon zv.kryeministren njëkohësisht dhe ministren e Energjitës dhe Infrastrukturës, Belinda Balluku, duke e konsideruar atë shkaktare të vjedhjes.

Postimi i Bardhit: 

Qytetarët e Kosovës, Bosnje-Hercegovinës, Malit të Zi, Maqedonisë së Veriut dhe Serbisë, sipas EUROSTAT paguajnë MË LIRË çmimin e energjisë elektrike sesa qytetarët shqiptarë.

SHQIPTARËT paguajnë çmimin MË TË SHTRENJTË të energjisë për shkak të babëzisë së Belinda Ballukut për të vjedhur kudo. 180 milion euro të vjedhura vetëm nga transaksionet e shit-blerjes së energjisë në 1 vit, është e vetmja arsye pse shqiptarët detyrohen të paguajnë çmimin më të shtrenjtë të energjisë në Rajon, edhe pse janë të bekuar nga Zoti me burime të shumta natyrore, që krijojnë të gjithë mundësinë për të patur një çmim më të lirë të energjisë elektrike, të paktën sa qytetarët e Kosovës.