Ish-sulmuesi i Kombëtares njëkohësisht dhe trajneri i Shpresave, Alban Bushi gjatë ditës së djehsme u përball me lajmin tragjik, vdekjen e dy prindërve të tij në një aksident fatal në Veria të Greqisë dy ditë më parë.
Ali Bushi 73 vjeç dhe Bukurije Bushi 71 vjeç nuk arritën t’I shpëtonin plagëve të marra nga aksidenti, ndërsa trajneri i U-21 para pak çastesh ka reaguar mbi ngjarjen e trishtë duke njoftuar kështu dhe mbi ceremoninë mortore.
“Mënyra për ta pranuar një humbje është e lidhur me mënyrën se si ka ardhur. Një vdekje e ardhur nga shkaqe natyrale është e dhimbshme, por është ulëritëse kur vjen për shkak të një aksidenti. Nuk di sa forcë duhet për të përballuar veten që rri para jush, si dëshmitar i pafuqisë ekstreme për të ndryshuar atë ç’ ka ndodhur. Madje dhe kur fatmirësisht vjen një kujtim i mirë, s’ke fuqi as për britmë lumturie, por zëvendëson një palë lot me të tjerë. Sot dhimbshëm mora orat që kane punuar në pulsat e zemrave tuaja, aq me formë dhe vlerë në orë të pafundme pa formë që kur ai aksident me një përplasje ju hoqi fillin e jetës. Deri në përqafimet tona të ardhshme❤️, ju dua pafundësisht, përjetësisht dhe përtej.
***Të dashur miq dhe të afërt, në emër të familjes sonë lejomëni t’ju falenderoj përulësisht, për praninë tuaj përmes mesazheve të panumërta.
Duke ju kërkuar një ndjesë të thellë, në pamundësi t’ju përgjigjem, ju njoftoj me dhimbje të pamasë se:
Homazhet për shumë të dashurit prindërit tanë do të mbahen të premten , më 1 nëntor 2024 nga ora 9:00 – 15:00, në “Funeral Home Alba 2000” e vendosur te ish Ambasada Jugosllave, rruga e Durrësit.
Më pas, kortezhi mortor do të drejtohet për në vendin e fundit të pushimit në Varrezat e Sharrës.
Dreka përkujtimore do të shërbehet në orën 17:00 në Sheraton.
Vizitat do të priten ditën e shtunë dhe të diel ora 10.00-13.00 dhe 17.00- 20.00 po në ambientet e “Funeral Home Alba 2000” shkroi Bushi.