TIRANË– Sot, kryeministri Edi Rama, Ministri i Ekonomisë, Kulturës dhe Inovacionit, Blendi Gonxhja, Ministri i Brendshëm, Ervin Hoxha, ministrja e Shtetit për Sipërmarrjen dhe Klimën e Biznesit, Delina Ibrahimaj kanë zhvilluar një takim me strukturat tatimore për prezantimin e planit për luftën ndaj informalitetit.
Blendi Gonxhja në fjalën e tij tha se Shqipëria është në një moment të mirë ekonomik dhe se ka rritje të turizmit.
Ndër të tjera deklaroi se duhet të eliminohet informaliteti dhe puna e padeklaruar. Ai theksoi se është evidentuar një rritje e tentativës për të shmangur dhe përfituar në mënyrë të padrejtë nga tregu që është në zhvillim e sipër.
“Jemi këtu për shqetësimin madhor, për informalitetin dhe punën e padeklaruar, që është me rëndësi të jashtëzakonshme që punëdhënësi të ndërgjegjësohet dhe të paguajë sigurimet. Punëdhënësit informalë rezultojnë se kanë rritje ekonomike në bizneset e tyre. Kemi rritje të turizmit dhe performancë të shkëlqyer ekonomike. Do kemi teknologji e platforma, për të luftuar fenomenin e informalitetit”, tha Gonxhja.