TIRANË– Monika Kryemadhi, ish-bashkëshortja e kreut të PL-së, Ilir Meta, ditën e sotme ka dalë në një konferencë për shtyp nga Kuvendi, lidhur me arrestimin e Metës ditën e djeshme në hyrje të Tiranës teksa po kthehej nga Kosova.
“Pasi kam marrë materialin prej 167 faqesh nga gjykata për masën time të sigurisë. Në thirrjen time në SPAK gjitha pyetjet kanë pasur lidhje me kallëzimin për Erion Veliajn. Kur lexoja materialin shikoja se nuk kisha asnjë përfshirje. Qëkur ka nisur ka qenë një proces politik. Erdhi pas denoncimit tim për inceneratorët. Jam këtu për të folur si Monika Kryemadhi jo bashkëshortja e Ilir Metës. Janë thirru qindra persona, janë kapur në mes të aeroporteve. Deklarata e djeshme e SPAK ku fliste për operacionet e Monika Kryemadhit ka cënuar nenin ligjor për sekretin hetimor. SPAK gënjen për 106 mijë euro operacione.”- ka thënë Kryemadhi.