LONDËR– Këngëtari i famshëm, Zayn Malik ka bërë një lamërim në rrjetet sociale për fansat e tij se do të pezullojë turneun e tij “Stairway to the Sky.”
Ky pezullim vjen pas ngjarjes së rëndë që ka ndodhur disa ditë më parë, ku shoku i tij dhe ish-anëtari i bandës One Direction, Liam Payne ndërroi jetë.
Payne, vdiq tragjikisht në moshën 31-vjeçare pasi ra nga ballkoni i dhomës së hotelit në katin e tretë në Buenos Aires, Argjentinë, teksa ishte nën efektin e substancave narkotike. Vdekja e tij tronditi fansat kudo në botë, pasi përveç karrierës së tij “solo” si këngëtar ai ishte dhe pjesë e grupit më të njohur të të gjithë kohërave, One Direction.
“Duke pasur parasysh humbjen e madhe që më ndodhi këtë javë, kam marrë vendimin për të shtyrë turneun tim në SHBA “STAIRËAY TO THE SKY”. Datat e SHBA – në San Francisko, Las Vegas, Los Anxhelos, Uashington, DC dhe Nju Jork – do të riplanifikohen për janar. Ju dua të gjithëve dhe ju falënderoj për mirëkuptimin.”-njofton Malik.
