Modelja Klea Prenga ka reaguar pas vendimit të Gjykatës që liroi motrat Berisha nga qelia, pas vetëdorëzimit të tyre në Polici.
Ajo e ka cilësuar tallje me drejtësinë këtë vendim. Ndërsa thekson se situata do të eskalojë deri në nivel ndërkomëbtar ku do të drejtohet në gjykata për të kërkuar drejtësi. Ajo ka publikuar dhe disa pamje të reja tronditëse pas sulmit me gotë në fytyrë që i shkaktoi dëmtime të rënda.
Reagimi i Klea Prenga:
Masakruan modelen Klea Prenga/ Gjykata u jep “lirinë” motrave Berisha
Thirrje Publike për Gjyqtaren Migena Laska
I drejtohem gjyqtares Migena Laska me një thirrje urgjente dhe të qartë: Drejtësia duhet të vihet në vend për rastin tim! Kam përjetuar një sulm brutal që më ka shkaktuar dëme të mëdha fizike dhe psikologjike. Nuk do të pranoj që ky rast të neglizhohet apo të zvarritet më tej.
Si mund të merret një vendim kaq i lehtë dhe të lihet me detyrim paraqitje një bashkëpunëtore në krim, e cila shihet qartë në video duke marrë gotën dhe tentuar të më godasë, pasi motra e saj më ka sulmuar me gotë. Fakti që këto veprime të dhunshme janë të dokumentuara qartë dhe nuk ka vend për interpretime, e bën vendimin e gjykatës një tallje me drejtësinë.
Pas së motrës dhe Antonela Berisha dëshmon: Ishim aty duke darkuar, Klea Prenga na provokoi
Kriminelët që kanë fëmijë dhe precedentë penalë, si Mariela dhe Antonela Berishaj, nuk mund të fshihen pas statusit të tyre familjar për të shmangur përgjegjësinë për krimet e tyre. Fakti që ka fëmijë nuk e bën atë më pak të rrezikshme,përkundrazi, ato kanë treguar qartë me veprimet e tyre të dhunshme dhe me precedentët penal në Itali se janë një kërcënim për shoqërinë. A lejohet që dhunuesit të lihen të lirë vetëm sepse kanë fëmijë? Nëse drejtësia dështon në këtë rast, po më thoni që vetgjyqësia është alternativa e vetme.
Ju kërkoj të merrni masat e duhura për të ndëshkuar përgjegjësit e këtij akti të rëndë. Organizatat vendore dhe ndërkombëtare janë të informuara për rastin tim, dhe nëse shteti im dështon të vendosë drejtësi,situata do të eskalojë në nivel ndërkombëtar. Unë kam të drejtë të mbrohem nga kriminelët, dhe mungesa e veprimit nga ana juaj do të jetë një dështim i madh për sistemin e drejtësisë.
Unë do të vazhdoj të kërkoj drejtësi me çdo mjet të ligjshëm deri sa përgjegjësit të përballen me pasojat e veprimeve të tyre. Drejtësia nuk është vetëm një e drejtë, por edhe një detyrim që shteti duhet të përmbushë për të gjithë qytetarët e tij. Nuk do të ndaloj deri sa të sigurohet që ky rast të marrë trajtimin e duhur.
Në bashkëpunim me motrën, masakroi Klea Prengën. Zbardhet dëshmia e Mariela Berishës