Një 54-vjeçar shqiptar, i arratisur 6 vite më parë nga burgu Stavrakios në Janinë, është vënë në pranga nga policia e shtetit fqinj teksa ai transportonte sasi lëndësh narkotike.
Shqiptari në fjalë, që ishte në kërkim prej 6 vitesh po transportonte me një taksi 82 kg kanabis.
Lënda narkotike ishte e ndarë në 72 pako.
Policia sekuestroi lëndën narkotike, 4370 euro dhe taksinë me të cilën po transportohej kanabisi.
54-vjeçari shqiptar i akuzuar edhe për arratisje do të rikthehet në burg, ku vuante dënimin për trafik droge.