Përgjatë dëshmisë së saj në seancën ndaj çështjes së dhunës brutale të ushtruar ndaj Klea prengës, Mariela Berisha ka shprehur pendesë.
Më tej Mariela kërkon mëshirë nga ana e drejtësisë pasi një fëmijë 2-vjeçar po e pret në shtëpi.
Mariela Berisha: Kërkoj falje për çfarë kam bërë. Nuk e kam dëshiruar, dhe nuk e kam kërkuar apo planifikuar një situatë të tillë dhe aq më pak një pasojë të tillë. Kam mbi një vit që po kaloj një moment dhe një situatë të vështirë psikologjike. Jam në një bashkëjetesë, dhe kam një fëmijë 2 vjeç, i cili ka nevojë për mua dhe për praninë dhe kujdesin tim. Kërkoj mëshirë.
Ndërsa avokatja e Marielës është shprehur se e pandehura është e gatshme të normalizojë marrëdhëniet me viktimën.
Avokatja e Marielës: Një masë sigurimi më të butë se ajo që ka kërkuar prokurori, pasi ajo është pa asnjë precedent penal, nuk ka asnjë arsye dhe asnjë shkak për të përsëritur veprime të njëjta apo të ngjashme, shprehet thellësisht e penduar, e pranon faktin penal, është e gatshme të normalizojë marrëdhëniet me viktimën, i kërkon publikisht falje asaj, si dhe gjykatës, njëkohësisht është e gatshme ta ndihmojë financiarisht për të përballuar shpenzimet e nevojshme për rehabilitimin e plotë dhe përfundimtar të dëmtimeve fizike që ka pësuar viktima. Së fundi, por tepër e rëndësishme, ajo është nën e një fëmije të mitur 2 vjeç. Aktualisht është i vetmi person që mundet të kujdeset për të, dhe prania e nënës për një fëmi në këtë moshë është e domosdoshme.
Ju kujtojmë se kohët e fundit nuk kanë munguar as reagimet nga ana e modeles së njohur Klea Prengës, ku ajo e bën të qartë se mes tyre nuk do ndryshojë asgjë.
LEXO EDHE:
Sherri brutal ndaj Klea Prengës, avokati shokon: Kërcënimet kanë vijuar dhe pas ngjarjes