Prokurorët në Manhattan kanë ngritur një hetim ndaj kryetarit të bashkisë së Nju Jorkut Eric Adams. Ai akuzohet për rryshfet dhe mashtrim.
Akuzat u detajuan në një padi prej 57 faqesh, ku Adams akuzohet për kërkim të ryshfetit nga biznesmenë të huaj, duke përfshirë një zyrtar të qeverisë turke, për të mbështetur fushatat e tij politike.
“Deri në vitin 2018, ADAMS, i cili deri atëherë kishte bërë të ditur planet e tij për të kandiduar për kryetar bashkie të qytetit të Nju Jorkut, jo vetëm pranoi, por kërkoi kontribute të paligjshme në fushatën e tij për kryebashkiakun e vitit 2021, si dhe gjëra të tjera me vlerë, nga shtetas të huaj “, thuhet në aktakuzë.
From Little Albania in the Bronx to Brooklyn to Staten Island, our Albanian neighbors are the small business owners, entrepreneurs and hard-working New Yorkers who keep our city moving. Happy Albanian Independence Day! pic.twitter.com/0bcabP6lne
— Mayor Eric Adams (@NYCMayor) November 27, 2023
Aktakuza me pesë pika vazhdon të përshkruajë se si shtetasit e huaj kërkuan të “përfitonin para nga marrëdhëniet e tyre korruptive” me kryebashkiakun, gjë që prokurorët pretendojnë se Adams e mirëpriti.
Adams është kryebashkiaku i parë në detyrë i Nju Jorkut që akuzohet në një padi penale.
64-vjeçari është zotuar se do të luftojë akuzat “krejtësisht të rreme” dhe do të qëndrojë në detyrë.
Por kryebashkiaku i Nju Jorkut ka lidhje edhe me shqiptarët.
Për dy vite rresht, ai ka organizuar ceremoni festive në nder të festës së Flamurit dhe Pavarësisë së Shqipërisë.
Adams nuk e ka fshehur asnjëherë simpatinë e tij për komunitetin shqiptar, të vendosur në një prej qyteteve më të mëdha në botë.
Përgatiti Radar.al
