Arbitrja shqiptare, Emanuela Rusta përgjatë një interviste për mediat e huaja, është shprehur se i ka ardhur “në majë të hundës” fakti që etiketohet si ‘seksi’.
Rusta, 30 vjeç, vjen nga Shqipëria dhe pasi u bë gruaja e parë që drejton një ndeshje të Superligës shqiptare për meshkuj.
“Ata duhet të fokusohen më shumë në profesionalizmin tim sesa në gjëra të tjera. Duhet të luftosh fort që të pranohesh,”- tha ajo për AFP.
Ndonëse dhe jashtë fushes ajo përballet me komentet për pamjen e saj fizike, Rusta ndjen se është e respektuar në fushë dhe shpreson të ketë më shumë mundësi për profesionin e saj.
“Arbitërimi nuk është çështje gjinie, por kompetence. Shoqata e arbitrave (shqiptare) gjithmonë është fokusuar në promovimin e femrave, kështu që rasti im nuk është rastësi. Shpresoj që të mos jetë e largët dita kur do të jenë katër femra që do të arbitrojnë një ndeshje në kategorinë më të mirë të meshkujve. Megjithëse në dukje është një mjedis kryesisht mashkullor, ndihem e respektuar dhe e vlerësuar për punën që bëj në fushë”.
Rusta mund të ndjekë gjurmët e arbitres tjetër femër, Stephanie Frappart, e cila u bë gruaja e parë që drejtoi një ndeshje të Ligës së Kampionëve për meshkuj mes Juventusit me Dynamo Kyiv në 2020.
Gjithashtu, ajo ishte pjesë e skuadrës edhe në ndeshjen mes Gjermanisë dhe Kosta Rikës në Kupën e Botës 2022.
