Sot Liga e Kampioneve nis rrugëtimin e në fazën e kampionatit. Me formatin e ri të gjithë janë të vendosur në një tabelë të përbashkët, ndërsa do të luajnë ndaj 8 kundërshtarësh të ndryshëm sipas shorti që u hodh tre javë më parë.
UEFA i ka kushtuar gjithë mesjavën e parë këtij turneu, duke ndarë ndeshjet në tre ditë të ndryshme.
Këtë të martë niset me skuadra të mëdha në fushë, ekipe që kanë synime për t’i shkuar deri në fund këtij aktiviteti dhe ambicie për të bërë sa më mirë. Kësisoj, në fushë janë skuadra si Real Madridi kampion në fuqi, por edhe Juventus apo Bajern Mynih, me këtë të fundit që luan kundër Dinamo Zagrebit të Arbër Hoxhës.
Ndërkohë sfida që spikat më shumë është një klasike e këtij turneu, Milan-Liverpul, e cila kthen kujtimet e të kaluarës dhe dy finale që nuk do të harrohen lehtë mes dy skuadrave në fillimin e viteve 2000.
NDESHJET SOT
Ora 18:45
JANG BOJS – ASTON VILA
JUVENTUS – PSV
Ora 21:00
MILAN – LIVERPUL
BAJERN MYNIH – DINAMO ZAGREB
REAL MADRID – SHTUTGART
SPORTING LISBONË – LILË