Robert Berisha ka komentuar mbi reagimet e shumë personave që aludojnë se ai e ka marrë famën prej ish-bashkëshortes së tij, Nora Istrefit.
I ftuar në një podcast, artisti pranon se Nora e ka ndihmuar të promovohet në Shqipëri, por emri i tij nuk ishte i panjohur në Kosovë.
“Unë në ’92, ’93 kur kam dalë në skenë, kur kam dalë në xhirimet e vitit të ri ska pasur as Youtube, as rrjete sociale, asgjë. Jo po ti e ke famën prej Norës. Nora ka qenë 5 vjeçe kur kam dalë unë në skenë, ama që ma ka dhënë një të shtyrë, sidomos në Shqipëri” është shprehur Robert Berisha.
Në këtë pikë, Roberti shtoi edhe emra të tjerë që njiheshin në Shqipëri si Gili, Edona Llalloshi, Adelina Ismaili e të tjerë që kanë punuar për të depërtuar në treg.
Për përphapjen e famës së tij në tregun shqiptar, ai sërish ia atribuon meritat Norës.
“Mua për në Shqipëri më ka dhënë një të shtyrë aq të mirë, e falenderoj përjetësisht” shtoi më tej artisti.