Një ngjarje tragjike ka ndodhur mesditën e sotme, 2 shtator, në një lagje të Janinës, ku një 19-vjeçar ka qëlluar veten me armë zjarri.
Sipas medieve greke, ngjarja ka ndodhur rreth orës 15:00, kur studenti 19-vjeçar vizitoi gjyshen e tij në shtëpinë e saj dhe pasi gjeti një armë zjarri brenda shtëpisë, ka shkuar në tualet dhe ka qëlluar veten.
Deri më tani nuk dihet se kujt i përkiste arma që i riu ka përdorur dhe motivet që e shtynë atë të kryente këtë akt.
Në vendngjarje mbërritën menjëherë policia dhe ambulanca, e cila më pas transportoi të riun në spital në gjendje kritike për jetën.
Nga provat e deritanishme nuk ka të dhëna për aktivitet kriminal dhe dyshohet për tentativë vetëvrasje.