Krimi goditi sërish vendin këtë të premte, këtë herë në qytetin e Shkodrës, ku si pasojë e të shtënave me armë zjarri humbi jetën një shtetas i identifkuar si Elis Rroshkodoli.
Sipas policisë, ai është një emër i njohur dhe i skeduar më parë për ngjarje kriminale.
Më 20 prill të vitit të kaluar, emri i Elis Rroshkodol (Shkoza aktualisht) do ridilte në skenë për një tjetër ngjarje kriminale, pas grabitjeve të frikshme me grupin e Shkodrës në Belgjikë, gjatë vitit 2014, kur edhe u arrestua për herë të parë.
Teksa kishte udhëtuar në Rumani me urgjencë, qëndroi për dy ditë në një hotel në Bukuresht, në zonën e Dorobanti dhe përndoqi shënjestrën e tij, biznesmenin milioner Jean Sassu, pronar i rrjetit të lokaleve po luksoze dhe tavernave të njohura si “Nuba”.
Në momentin gjatë mesditës, kur e pa që ishte i vetëm dhe pa tre truprojat e tij, e sulmoi nga pas shpine. Mediat rumune dhe policia publikuan edhe pamjet, teksa 35-vjeçari nga Shkodra i shkon nga pas biznesmenit gati bashkëmoshatar dhe e godet në shpinë me thikë.
Në atë kohë, policia teksa publikonte emrin e Elis Rroshkodolit dhe e shpallte në kërkim me vendim gjykate si të dyshuar, njoftoi edhe disa nga pistat e mundshme. Fakti që shqiptari kishte udhëtuar në Rumani dhe ndjekur shënjestrën, u dyshua për skenarin e një krimi të porositur me qëllim dhënien e një mesazhi paralajmërues mes grupeve, një hakmarrje apo një gjest i mundshëm frikësimi nga një rival biznesi.