Faza e gjatë e verës me anticiklonin e Afrikës Veriore, që solli temperatura shumë mbi mesataret e asaj periudhe, ka nisur të dobësohet.
Por edhe pse do të shohim një lehtësim të lehtë të vapës, vera nuk ka mbaruar.
“Në ditët në vijim do të kemi një rënie të lehtë të temperaturave dhe do t’i rikthehemi mesatareve të periudhës me rritje të paqëndrueshmërisë që do të ndjehet edhe në qendër-jug. Por rënia e temperaturave nuk do të jetë e tillë drastike për të na çuar direkt në vjeshtë, vapa do të vazhdojë të ndihet”, shpjegon Manuel Mazzoleni, meteorolog italian.
Por çfarë i detyrohet vapës së madhe të përjetuar në këtë verë të vitit 2024? Sipas Mazzolenit, siç konfirmojnë të dhënat, në nivel të baseneve evropiane dhe mesdhetare, verërat e fundit të viteve 2000 kanë ndryshuar në krahasim me ato që ishim mësuar në vitet ’80 dhe ’90.
“Ka pasur të paktën tre valë të nxehti që kanë prekur gadishullin tonë dhe tani ato po bëhen një karakteristikë konstante e verërave të fundit. Sepse anticikloni, i cili deri në vitet 1990 solli mot të mirë në Itali, ai i Azores, është zëvendësuar nga Anticikloni i Afrikës Veriore i cili sjell masa ajrore dukshëm më të nxehta nga Afrika e Veriut dhe na bën të ndiejmë më shumë nxehtësinë gjatë verës”.
Ekspertët thonë se ndryshimet vijnë brenda tablosë së gjerë të ndryshimeve klimatike sipas të cilave “të gjitha modelet e klimës nga tani deri në fund të shekullit tregojnë një tendencë të rritjes së temperaturave në nivelin mesdhetar,
“Ne ishim mësuar me katër stinët e ndara. Tani po vërejmë një zgjatje të sezonit veror ndërsa reduktim të sezonit dimëror'”, tha ai.
Përktheu Radar.al