Orët e para të mëngjesit kanë qenë të mbushura me panik në Kiev, pasi një seri shpërthimesh të fuqishme tronditën kryeqytetin ukrainas. Sipas gazetarëve të AFP në terren, të paktën pesë shpërthime u dëgjuan, ndërsa autoritetet ngritën menjëherë alarmin për një sulm me raketa nga Rusia.
Pak minuta pas shpërthimit të parë, sirenat e sulmit ajror u aktivizuan në të gjithë qytetin. Kreu i administratës ushtarake të Kievit, Tymur Tkachenko, u bëri thirrje qytetarëve përmes Telegramit të strehohen menjëherë.
“Armiku po sulmon kryeqytetin me raketa. Qëndroni në vende të sigurta!”, shkroi ai në mesazhin e tij.