Një aksident rrugor është regjistruar pak minuta më parë në autostradën Levan–Tepelenë, pranë fshatit Poçem, ku për pasojë kanë mbetur të plagosur dy persona.
Sipas informacioneve paraprake, dy automjete të tipit “Ford” janë përplasur me njëra-tjetrën, duke shkaktuar dëmtime te dy drejtuesit ose pasagjerët e përfshirë në aksident.
Menjëherë pas ngjarjes, në vendin e aksidentit kanë mbërritur shërbimet e Policisë, të cilat kanë siguruar zonën dhe kanë menaxhuar qarkullimin e mjeteve.
Një autoambulancë ka transportuar të plagosurit drejt Spitalit Rajonal të Fierit, ku ata po marrin ndihmën e nevojshme mjekësore.
Ndërkohë, grupi hetimor ndodhet në vendngjarje dhe po punon për zbardhjen e plotë të shkaqeve dhe rrethanave të aksidentit.