Një zjarr ka përfshirë pasditen e sotme kodrën e Kuzum Babasë në Vlorë, duke djegur një sipërfaqe me shkurre dhe bimësi.
Forcat zjarrfikëse kanë mbërritur në vendngjarje dhe po punojnë për izolimin e vatrës së zjarrit, me qëllim shmangien e përhapjes së flakëve në zonat përreth.
Situata paraqitet me rrezik për shkak se pranë zonës së përfshirë nga zjarri ndodhen banesa, si dhe Teqeja e Kuzum Babasë. Ekipet zjarrfikëse vijojnë ndërhyrjen për vënien nën kontroll të plotë të flakëve.