Forcat ruse po përpiqen të pengojnë sulmet ukrainase me dronë duke duke instaluar sisteme të fuqishme bllokimi për të nxjerrë jashtë funksionit sistemin e internetit satelitor Starlink të Elon Musk, thanë për Reuters komandantët dhe pilotët ukrainas të dronëve.
Dronët që mund të godasin objektiva dhjetëra kilometra pas vijave të frontit dhe që shpesh lëshohen nëpërmjet Starlink, e ka transformuar luftën në Ukrainë.
Në një fushatë të koordinuar sulmesh këtë vit, Ukraina ka sulmuar linjat e furnizimit, objektet e magazinimit të karburantit, instalimet e mbrojtjes ajrore dhe qendrat e komandës, duke ndërprerë logjistikën e forcave ruse dhe duke shkaktuar mungesa të karburantit në Krimenë e pushtuar nga Rusia.
Metodat e Rusisë për të mbrojtur karburantin dhe furnizimet e tjera ushtarake variojnë nga fshehja e dërgesave në automjete civile deri te përdorimi i pajisjeve të sofistikuara elektronike bllokuese për të bllokuar lidhjet e përdorura për të pilotuar dronët, thanë ata.
Pajisje bllokuese janë instaluar nga Rusia pranë qyteteve dhe objekteve ushtarake, duke përfshirë disa që mund të dëmtojnë sistemet Starlink të operuara nga SpaceX i Musk, thanë ata.
Shumica e misioneve të Ukrainës në mes të sulmit kryhen duke përdorur Starlink, i cili i lejon një piloti të komunikojë nga distanca me një dron dhe është konsideruar kryesisht imun ndaj bllokimeve.
Serhii Beskrestnov, një këshilltar në ministrinë e mbrojtjes së Ukrainës, tha se Rusia po vendoste një sistem bllokimi të quajtur Volna Kupol Garant që lëshon një sinjal mjaftueshëm të fortë për të destabilizuar lidhjen Starlink në një sipërfaqe prej rreth 20 km katrorë (7.7 milje katrorë). Ai shtoi se deri më tani janë zbuluar rreth 10 të tillë.
Megjithatë, sistemi është në vetvete një objektiv i spikatur për ekipet ukrainase të dronëve, të cilët janë të etur të eliminojnë çdo pengesë në fluturimet e tyre. Ndërkohë, Musk u ka ndaluar forcave ruse përdorimin e Starlink në sulmet e saj me drone, shkruan Reuters.