Është shpallur e pafajshme një grua në Greqi, e cila ishte vënë në pranga pas akuzave nga e bija se nëna e saj e mbante të kyçur në një dhomë.
Sipas mediave greke, gruaja nga Selaniku kishte zbuluar se e bija postonte në internet foto të saj nudo dhe komunikonte e dilte në takime me burra të panjohur, me të cilët kishte një diferencë të madhe moshe.
Arrestimi i gruas u bë ditën e enjte, më 22 gusht, pas denoncimit të vajzës së saj 17-vjeçare.
E mitura ka njoftuar policinë duke thënë se e ëma e ka mbyllur në dhomën e saj dhe se e ka goditur me fshesë.
Pasi doli nga seanca gjyqësore, 17-vjeçarja bëri një ankesë hakmarrëse ndaj nënës, duke qenë se prindërit e saj e qortuan dhe e ndëshkuan kur zbuluan se ajo po dilte me burra të moshuar që “ i njihte nëpër internet”.
Në fakt, siç dëshmoi babai i 17-vjeçarit, vajza e tij përdorte celularin e tij, për të bërë foto nudo dhe më pas për t’i hedhur në internet, pasi ditët e fundit i ishte ndaluar të përdorte të sajin.
“Nuk i ka fshirë dhe i kam gjetur në celular. Shkonte fshehurazi në tualet dhe bënte foto nudo për t’i hedhur në internet”, tha babai.
Ai shpjegoi se kohët e fundit ata morën vesh se vajza e tyre po dilte me burra të panjohur pasi ai e kishte parë në kafene me një burrë të paktën dhjetë vjet më të madh.
Në fakt, nëna e saj ka qenë ajo që dy herë është dashur ta ndalojë në rrugë dhe t’u kërkojë burrave që shoqëronin 17-vjeçaren të largoheshin nga ajo pasi është e mitur.
“Mësova se ajo po shkonte në dy takime në të njëjtën ditë, me burra të ndryshëm të rritur. E ëma e gjeti në një makinë. Ajo kishte frikë se fëmija ynë do të ishte në rrezik. Ajo ka debatuar me të, prandaj e ka denoncuar në të njëjtën ditë. Ajo e ka bërë këtë që nga qershori kur shkolla u mbyll. Nuk kishte turp”, shtoi ai.
Ndërkohë, nëna e vajzës mohoi të kishte goditur vajzën e saj dhe konfirmoi atë që dëshmoi i shoqi.
“Ajo zemërohet shumë me mua kur nuk e lë të bëjë atë që dëshiron. Ajo takohet me burra në internet dhe del me ta gjatë natës. Ne duam të shkojmë te një psikolog”, është shprehur gruaja.