Një sondazh i realizuar nga Hebrew University of Jerusalem ka nxjerrë në pah skepticizëm të lartë në opinionin publik izraelit lidhur me rezultatet e konfliktit mes Iranit dhe Shteteve të Bashkuara.
Sipas të dhënave të publikuara, rreth 92% e të anketuarve besojnë se Irani ka dalë fitues ose ka përfituar më shumë nga konflikti. Kjo përqindje arrin në 93% mes votuesve të krahut të djathtë, të cilët konsiderohen baza kryesore elektorale e kryeministrit izraelit Benjamin Netanyahu.
Sondazhi tregon gjithashtu se shumica e qytetarëve nuk u besojnë deklaratave të Netanyahut për suksesin e operacioneve ushtarake. Rreth 73% e të pyeturve thanë se nuk i konsiderojnë të besueshme pretendimet e tij mbi rezultatet e fushatës.
Ndërkohë, vetëm 12% e të anketuarve shprehën mbështetje për memorandumin e mirëkuptimit të arritur mes Iranit dhe Shteteve të Bashkuara.
Anketa u zhvillua nga Universiteti Hebraik i Jerusalemit gjatë periudhës 17–20 qershor dhe përfshiu rreth 3,650 pjesëmarrës