TIRANË– Policia e Tiranës ka përqëndruar operacionet e kërkimit për gjetjen e Eglant Koçit në zonat malore të Tiranës.
Bëhet me dije se kontrolle po ushtrohen kryesisht në Pëllumbas dhe Qafë Mollë, dy zona këto që vizitoheshin shpesh nga autori i dyshuar, Armand Shakaj.
Dëshmia e disa banorëve të zonës në Pëllumbas, të cilët kanë parë mjetin e Shakajt, ka bërë që policia të intensifikojë kontrollet në këtë perimetër.
Bazuar në të dhënat nga sistemi TIMS, 41-vjeçari nuk ka rezultuar të ketë dalë jashtë kufijve të vendit, çka shton dyshimet e forta se ai po fshihet brenda.
Gjithashtu grupi hetimor ka mësuar se Armand Shakaj vuan nga një problem shëndetësor dhe për këtë arsye uniformat blu kanë vënë në gatishmëri edhe bluzat e bardha, duke kërkuar bashkëpunimin e spitaleve publike dhe private në rast se ai do të paraqitet për të marrë ndihmë mjekësore.
Më herët janë publikuar edhe pamjet, ku tregojnë momentin ku Shakaj ka larguar motorin dhe më pas është kthyer në këmbë./Radar.al