TIRANË– Detaje të reja vijojnë të zbardhen nga grabitja me armë zjarri në filialin e “OTP Bank” në Tiranë.
Bëhet me dije se autori kishte ndjekur një të moshuar e cila ishte nisur drejt bakës për të depozituar para.
Ai është futur pas të moshuarës në institucion dhe me një armë zjarri e ka kërcënuar dhe i ka grabitur para që do të dorëzonte në arkë.
Autori ka qenë i pajisur me kokore dhe menjëherë pas grabitjes është larguar pa gjurmë me anë të një skuteri.
“Blutë” kanë njoftuar se policia ka ngritur pika kontrolli dhe janë orientuar të gjitha shërbimet policore, për identifikimin dhe kapjen e autorit./Radar.al