Bebe Rexha ka dalë hapur në mbështetje të studentëve shqiptarë në Maqedoninë e Veriut, duke i dhënë jehonë ndërkombëtare protestës kundër ndalimit të provimit të jurisprudencës në gjuhën shqipe.
Në një postim në Instagram, artistja me origjinë shqiptare ndau thirrjen për marshimin e 18 majit dhe përcolli një mesazh të fortë në mbrojtje të gjuhës amtare.
“Gjuha jonë shqipe është thellësisht e rrënjosur në identitetin tonë. Për breza me radhë kemi luftuar për ta ruajtur dhe mbajtur gjallë”, shkroi ajo.
Bebe Rexha theksoi se Maqedonia e Veriut është një shtet multietnik, ku gjuha shqipe njihet si gjuhë bashkëzyrtare, ndërsa studentët shqiptarë duhet të kenë të njëjtat të drejta dhe mundësi si çdo qytetar tjetër.
Reagimi i këngëtares ka sjellë vëmendje të gjerë ndaj kauzës së studentëve shqiptarë, në prag të protestës së paralajmëruar për këtë të hënë