Aktori legjendar Al Pacino është shfaqur në një event prestigjioz të organizuar nga Dior në Los Angeles, i shoqëruar nga partnerja e tij Noor Alfallah.
Dyshja pozoi krah për krah në aktivitetin e mbajtur në Los Angeles County Museum of Art, ku morën pjesë edhe shumë emra të njohur të botës së artit dhe showbiz-it.
Marrëdhënia e tyre ka tërhequr vazhdimisht vëmendje për shkak të diferencës së madhe në moshë. Në vitin 2023, çifti u bë prindër të një djali, Roman Pacino.
Edhe pse mediat raportuan më herët se ata kishin vendosur të mbeteshin “vetëm miq”, paraqitjet e fundit publike kanë shtuar spekulimet për një rikthim të romancës mes tyre.
Së fundmi, ata janë parë së bashku edhe në evente private në Hollywood, ku kanë marrë pjesë figura të njohura si Leonardo DiCaprio, Sacha Baron Cohen dhe Kevin Costner.
