Mbrojtësi i Real Madrid dhe i kombëtares së Brazil, Éder Militão, pritet të mungojë në FIFA World Cup 2026 pas një dëmtimi serioz muskulor.
Sipas raportimeve të mediave sportive, lojtari do t’i nënshtrohet një ndërhyrjeje kirurgjikale pas një problemi në muskujt e pasëm të kofshës së majtë. Parashikimet mjekësore flasin për të paktën katër muaj mungesë nga fushat e lojës, çka praktikisht e vë në dyshim pjesëmarrjen e tij në turneun botëror.
Ky zhvillim përbën një goditje të rëndë për Brazilin, pasi Militão konsiderohet një nga shtyllat kryesore të repartit defensiv.
Trajneri i kombëtares, Carlo Ancelotti, pritet të rishikojë planet për formacionin mbrojtës, ndërsa gjendja e lojtarit do të varet nga ecuria pas operacionit dhe rehabilitimi në muajt në vijim.