Katër finalistët e edicionit të pestë të “Big Brother VIP Albania” janë Selin, Mateo, Miri dhe Rogerti, duke vulosur fazën përmbyllëse të spektaklit.
Megjithatë, atmosfera festive që pritej mes finalistëve është zëvendësuar nga debatet. Rogerti ka hapur diskutime të forta me banorët, duke sjellë tension në shtëpi vetëm pak ditë para finales.
I zhgënjyer nga sjellja e tij, Miri është shprehur në një bisedë me Mateon se prania e Brikenës në finale do ta kishte bërë javën shumë më të qetë dhe pozitive.
“Po të ishte Brikena këtu, do të ishte java më e bukur për të katërt”, u shpreh Mateo, ndërsa Miri la të kuptohej se kishte pasur të njëjtën dëshirë, duke shtuar se me të do të kishin pasur më shumë të qeshura, sfida dhe energji pozitive.
Biseda mes tyre nxori në pah qartë pakënaqësinë ndaj Rogertit, teksa finalja e madhe po afron dhe marrëdhëniet mes banorëve duken më të tensionuara se kurrë.