Protesta e opozitës në Tiranë është shoqëruar me tensione të forta, ndërsa situata ka dalë jashtë kontrollit në disa momente, duke çuar deri në djegien e një automjeti të policisë.
Kreu i Partisë Demokratike Sali Berisha, së bashku me mbështetësit e tij, janë zhvendosur drejt zonës së ish-Bllokut, ndërsa një pjesë e protestuesve pritet të lëvizë edhe në drejtim të Drejtorisë së Policisë së Tiranës.
Sipas raportimeve, protestuesit kanë hedhur shishe molotov në drejtim të selisë së Partia Socialiste e Shqipërisë, duke shkaktuar flakë që kanë përfshirë edhe një automjet të policisë.
Ndërkohë, Policia e Shtetit ka ndërhyrë për të shpërndarë turmën, duke përdorur gaz lotsjellës dhe ujë me presion, në përpjekje për të rikthyer kontrollin e situatës.
Përplasje dhe incidente janë shënuar edhe pranë Bashkise se Tiranës, ku protestuesit kanë përdorur fishekzjarrë, molotove dhe flakadanë. Në këtë zonë ndodhen edhe institucione të rëndësishme si Ministria e Brendshme dhe ajo e Infrastrukturës, ndërsa prania policore raportohet më e kufizuar krahasuar me pikat kryesore të protestës.
Situata është tensionuar ndjeshëm edhe në bulevardin Dëshmorët e Kombit, ku zona është mbuluar nga tymi dhe gazi lotsjellës, duke detyruar qytetarët të largohen nga vendngjarja.