Një ngjarje e tmerrshme ka tronditur komunitetin e influencerëve në Austri. Stefanie Pieper, 32 vjeçe, dyshohet se u vra nga ish-i saj pas një grindjeje më 23 nëntor të vitit të kaluar. Trupi i saj u gjet i futur në një valixhe në një pyll pranë kufirit Austri–Slloveni.
Hetuesit deklarojnë se influencuesja mund të ketë qenë ende gjallë kur u vendos brenda valixhes, megjithëse koha e saktë e vdekjes nuk është përcaktuar ende. Autopsia zbuloi shenja mbytjeje dhe lëndime në fytyrë, të cilat mund të kenë ardhur nga goditjet ose nga lëvizja brenda valixhes gjatë transportit.
I dyshuari, 31 vjeç, u arrestua në Slloveni dhe u ekstradua në Austri. Ai ka pranuar vrasjen dhe ka treguar policisë vendin ku hodhi trupin e viktimës. Avokati i tij deklaroi se klienti është i “thyer dhe penduar thellësisht” dhe pretendon se gjatë ngjarjes ishte nën ndikimin e drogës.
Hetuesit përdorën dronë dhe qen nuhatës për të gjetur Stefanie Pieper, pasi ajo nuk u paraqit në punë dhe telefoni i saj u gjet i hedhur në një shkurre. Ngjarja ka shkaktuar shqetësim të madh për sigurinë dhe dhunën në marrëdhënie personale, duke ngjallur reagime në mediat ndërkombëtare.
