Presidenti amerikan Donald Trump ka reaguar pas dorëheqjes së drejtorit të Qendra Kombëtare Kundër Terrorizmit, Joe Kent, i cili u largua nga detyra për shkak të kundërshtimit ndaj konfliktit në Iran.
Në një deklaratë publike, Trump u shpreh kritik ndaj Kent, duke vënë në dyshim qëndrueshmërinë e tij në çështjet e sigurisë. Ai tha se, ndonëse e konsideronte një person të mirë, e kishte parë gjithmonë si “të dobët” në këtë fushë.
“E lexova deklaratën e tij. Gjithmonë kam menduar se ishte një djalë i mirë, por gjithashtu kam menduar se ishte i dobët në çështjet e sigurisë, shumë i dobët”, tha Trump.
“Nuk e njihja mirë… Por kur lexova deklaratën e tij, kuptova se është mirë që është larguar, sepse ai tha se Irani nuk përbënte kërcënim”, u shpreh Trump.
Presidenti theksoi se nuk kishte pasur një marrëdhënie të afërt me Kent, por shtoi se largimi i tij ishte i justifikuar, sidomos pas deklaratave ku ish-zyrtari minimizonte kërcënimin nga Irani.
Duke mbrojtur qëndrimin e tij, Trump këmbënguli se Irani përbën një rrezik real për sigurinë ndërkombëtare, duke theksuar se kjo ishte një bindje e përbashkët për shumë vende.