IdentiTek informon qytetarët se, për shkak të ditëve zyrtare të festave gjatë muajit mars, janë përshpejtuar datat e tërheqjes për pasaportat biometrike dhe kartat e identitetit të aplikuara me procedurë standarde.
Ky ndryshim synon shmangien e vonesave dhe sigurimin e një shërbimi më të shpejtë dhe të rregullt gjatë periudhës festive.
Kalendari i përshpejtuar i tërheqjes është si më poshtë:
Aplikimet e bëra më 2 dhe 3 mars 2026 – tërheqja më 12 dhe 13 mars 2026;
Aplikimet e bëra më 6 dhe 9 mars 2026 – tërheqja më 18 dhe 19 mars 2026;
Aplikimet e bëra më 10 mars 2026 – tërheqja më 19 mars 2026, ndërsa për zyrat në rrethe më 24 mars 2026.
IdentiTek rekomandon qytetarëve të planifikojnë tërheqjen e dokumenteve sipas këtij kalendari, për të shmangur pritjet dhe për të marrë dokumentet në kohë.