Prokuroria e Posaçme Kundër Korrupsionit dhe Krimit të Organizuar (SPAK) ka identifikuar pesë bashkëpunëtorë të rinj të grupit kriminal që operonte laboratorin e drogës në Frakull të Fierit, duke rritur numrin e të pandehurve në këtë çështje në 15, ndërsa 10 të tjerët ishin dënuar më parë nga GJKKO.
Gjykata e Posaçme pranoi kërkesën e SPAK për caktimin e masës së sigurisë “arrest në burg” për pesë të pandehurit e rinj:
Arrestuar: Klevent Gjolena, Aldi Zonja dhe Musa Gjikola
Në kërkim: Kevin (Arjan) Margjoni dhe Durim Keçi
Gjatë hetimeve, me autorizim të gjykatës, janë kryer kontrolle në banesa, automjete dhe ndaj personave të përfshirë. Si rezultat janë sekuestruar:
4 automjete luksoze Land Rover (Range Rover Sport 2018, Range Rover Evoque 2012, Discovery 2012, Range Rover Velar 2017)
2 aparate celularë
Ky procedim penal lidhet me trafikimin ndërkombëtar të 485.5 kilogramëve kokainë nga Kolumbia drejt Shqipërisë, e fshehur në një ngarkesë me “pleh organik artificial”, e cila u sekuestrua më 24.11.2022 në Frakull të Madhe, Fier.
Për këtë rast janë dënuar tashmë 10 shtetas shqiptarë: Nikolin Gjolena, Viktor Çervanaku, Denilson Çervanaku, Klajdi Vrioni (alias Klajdi Kodra), Zenel Çervanku, Enxhi Ferhati, Redion Meshi, Julian Malaj, Bledar Matoshi, Marildo Rona, si dhe kolumbiani Samir Rosales Rodriguez.
Hetimet e SPAK vazhdojnë për administrimin e provave të tjera dhe për identifikimin e personave të tjerë që mund të jenë të përfshirë në veprimtarinë kriminale.
SPAK ka falënderuar autoritetet e drejtësisë së Malit të Zi dhe Kolumbisë, si dhe Eurojust dhe Europol për mbështetjen dhe bashkëpunimin e vazhdueshëm në hetimin e këtij grupi kriminal.