Presidenti i Shqipërisë, Bajram Begaj, ka përgëzuar Kuvendin e Kosovës pas konstituimit të legjislaturës së dhjetë, të dalë nga zgjedhjet e 28 dhjetorit.
Në një mesazh të publikuar në rrjetet sociale, kreu i shtetit shqiptar uroi punë të mbarë për deputetët dhe përgëzoi Albulena Haxhiun për zgjedhjen në krye të Kuvendit të Kosovës.
“Punime të mbara Kuvendit të Republikës së Kosovës në Legjislaturën X! Urime, znj. Albulena Haxhiu, për zgjedhjen Kryetare e Kuvendit! Shqipëria do të vijojë të qëndrojë pranë Kosovës, në mbështetje të institucioneve demokratike të saj dhe rrugëtimit euroatlantik!”, shkruan Presidenti Begaj.
Në mesazhin e tij, Begaj thekson mbështetjen e vazhdueshme të Shqipërisë për forcimin e institucioneve demokratike të Kosovës dhe për procesin e integrimit euroatlantik të saj.