Spanja dhe Portugalia po përballen me pasoja të mëdha pas stuhive që goditën vendet e tyre ditët e fundit. Reshjet e shiut kanë pushuar dhe situata po stabilizohet, por dëmet janë të konsiderueshme.
Në Andaluzi, provinca më e prekur në jug të Spanjës, porti i Algeciras, një nga më të mëdhenjtë në Mesdhe, ka rifilluar punën normalisht. Shërbimet e trageteve për në Marok dhe Ceutë, si dhe transporti i kontejnerëve, janë rikthyer pas ndërprerjes së operacioneve nga deti i trazuar dhe valët e larta.
Në provincën e Extremadurës, që kufizohet me Portugalinë, nxënësit do të kthehen në shkollat e mbyllura për shkak të stuhisë. Megjithatë, shumë zona mbeten ende të përmbytura pas kalimit të stuhisë Marte dje dhe stuhisë Leonardo tre dhe katër ditë më parë.
Dëmet në infrastrukturë dhe bujqësi llogariten të tejkalojnë 7 miliardë euro.