Pas aludimeve që qarkullonin prej kohësh, këngëtari dhe aktori Bes Kallaku ka konfirmuar publikisht nisjen e një romance të re, pas ndarjes nga këngëtarja Xhensila Myrtezaj.
Gjatë një koncerti, Besi iu drejtua publikut me një mesazh emocional, duke zbuluar se personi të cilit i dedikohet tatuazhi i tij i fundit është partnerja e re, Ejona. Ai rrëfeu se për vite me radhë kishte humbur buzëqeshjen, pavarësisht se gjithmonë ishte përpjekur të sillte gëzim te publiku.
“Gjithë jetën time kam bërë publikun të qeshë, por kishte vite që mua më kishte humbur buzëqeshja. Falenderoj Zotin që më në fund më solli pranë dikë që ma riktheu atë. Ejona, të dua,” u shpreh Kallaku gjatë performancës.
Ejona është emri që i ka rikthyer buzëqeshjen aktorit, ndërsa zërat për romancën e re nisën pasi ai publikoi në Instagram një foto të një tatuazhi misterioz, duke nxitur kureshtjen e ndjekësve.