Një autobus i kompanisë së transportit publik OASTH u përfshi nga flakët të premten në mëngjes në lindje të Selanikut, duke shkaktuar panik te qytetarët. Ngjarja ndodhi rreth orës 10:40, në kryqëzimin e rrugëve Kifisias dhe M. Psellou.
Forcat e zjarrfikësve ndërhynë menjëherë, me gjashtë efektivë dhe tre mjete zjarrfikëse, duke arritur të shuajnë flakët. Sipas informacioneve paraprake, zjarri ka shpërthyer në pjesën e pasme të autobusit.
Autoritetet po hetojnë shkakun e incidentit, ndërsa fatmirësisht nuk raportohet asnjë i lënduar, pasi të gjithë pasagjerët dolën nga autobusi në kohë dhe pa rrezik.