Shqipëria e nis vitin 2026 pa ndryshime në renditjen e FIFA-s. Kombëtarja kuqezi ruan pozicionin e 63-të në klasifikimin botëror të publikuar për muajin janar, me 1401.07 pikë, i njëjti vend që mbylli edhe vitin 2025.
Ndërkohë, përfaqësuesja e Kosovës ka shënuar një rritje të lehtë, duke u ngjitur një vend më lart. “Dardanët” renditen tani në vendin e 79-të, me 1308.84 pikë, nën drejtimin e trajnerit Franco Foda.
Renditja e parë e FIFA-s për vitin 2026 është ndikuar ndjeshëm nga përfundimi i Kupës së Afrikës. Maroku, pavarësisht humbjes në finale, është ngjitur mes 10 kombëtareve më të mira në botë, duke u renditur në vendin e 8-të, tre pozicione më lart se më parë. Kampionia e Afrikës, Senegali, ka bërë një kërcim të ndjeshëm prej pesë vendesh, duke u pozicionuar e 12-ta dhe duke zbritur Italinë në vendin e 13-të.
Në krye të renditjes botërore vijon të qëndrojë Spanja, e ndjekur nga Argjentina dhe Franca, që plotësojnë treshen e parë.