Romina, bashkëshortja e këngëtarit Erik Lloshi, ka folur për herë të parë në emisionin “Fan Club” pas zërave që qarkulluan se marrëdhënia e çiftit është vënë në pikëpyetje për shkak të pjesëmarrjes së tij në “Big Brother VIP”.
Ajo sqaroi se fillimisht ka qenë kundër hyrjes së Erikut në reality show, duke theksuar se gjithmonë ka preferuar një jetë private larg vëmendjes publike. Megjithatë, pavarësisht rezervave të saj, Romina tha se tani e mbështet plotësisht bashkëshortin, edhe pse nuk është dakord me disa nga reagimet e tij brenda shtëpisë.
Sipas saj, Eriku ka një temperament të fortë dhe është gjaknxehtë, çka e kishte bërë të shqetësohej për mënyrën se si mund të perceptohej nga publiku. Ajo theksoi se këngëtari është një njeri i drejtë dhe se shpesh portretizohet më agresiv sesa është në të vërtetë.
Romina zbuloi gjithashtu se Eriku kishte marrë ftesa edhe më herët për të qenë pjesë e BBV, por këtë herë vendosi të hynte pavarësisht kundërshtimit të saj. “Tani e mbështes totalisht, pa asnjë dyshim. Ka gjëra tek Eriku që më pëlqejnë dhe të tjera që nuk i përkrah”, u shpreh ajo.