Një aksident i rëndë është regjistruar gjatë ditës së sotme në qytetin Soline në jug të Kroacisë.
Si rrjedhojë e aksidentit mësohet se humbi jetën një person ndërsa 6 të tjerë mbetën të plagosur rëndë.
Sipas mediave kroate shkaktar i këtij aksidenti mësohet të ketë qenë një shtetas shqiptar, 40 vjeç i cili lëvizte me targa sllovene.
Sipas hetimeve të kryera zbulohet se shqiptari u bë shkak I aksidentit pasi kaloi në korsinë e kundërt e si rrjjedhojë u përplas me një makinë me targa kroate që drejtohej nga një 45 vjeçar kroat.
45 vjecari ka humbur jetën në vend, ndërsa pasagjerët që udhëtonin me të një grua 45-vjeçare dhe një 48-vjeçar, të dy shtetas polakë, kanë marrë dëmtime të rënda fizike, por mësohet se fatmirësisht janë jashtë rrezikut për jetën.
Pasagjerët e plagosur pas marrjes së ndihmës së parë në vendin e ngjarjes janë dërguar në Spitalin e Përgjithshëm të Dubrovnikut, ku ndodhet për shkak të plagëve të rënda edhe shtetasi i Kosovës.
Lëndime kanë pësuar edhe pasagjerët në automjetin e tij, edhe ata shtetas të Kosovës.
Një grua 42-vjeçare dhe një fëmijë 11-vjeçar janë në gjendje kritike ndërsa një 18-vjeçar ka marrë plagë më të lehta. Policia e Dubrovnikut ka nisur hetim ndaj shoferit shqiptar të dyshuar si autor i aksidentit të rëndë rrugor.