Milani është gjithnjë e më i kënaqur me performancën e Rafael Leaos. Pas një fillimi të vështirë të sezonit për shkak të lëndimeve dhe performancave të dobëta, portugezi është rikthyer ngadalë në formën e tij të mëparshme, ose ndoshta edhe më mirë. Ai mund të jetë më pak spektakolar, por është sigurisht më efektiv, duke shënuar gjashtë gola në vetëm 11 ndeshje, shifrat e një qendërsulmuesi të vërtetë.
Sipas Tuttosport , klubi po shqyrton mundësinë e shpërblimit të tij duke i rinovuar kontratën, e cila aktualisht skadon në vitin 2028. Kontaktet me rrethin e tij, të cilat filluan muajt e fundit, janë duke u zhvilluar, por çështja ende nuk ka arritur në një përfundim sepse Menja dhe Tomori kanë përparësi, veçanërisht portieri francez.
Në karrierën e tij, Leao ka bërë 273 paraqitje dhe ka shënuar 77 gola për Milanin, 26 paraqitje dhe ka shënuar tetë gola për Lilë, pesë paraqitje dhe ka shënuar dy gola për Sporting dhe 12 paraqitje dhe ka shënuar shtatë gola për ekipin e dytë të klubit portugez. Ai është paraqitur gjithashtu 43 herë për ekipin e tij kombëtar, duke shënuar pesë gola bashkë me ato të ekipet e të rinjve, nga U-16 deri te U-21, me përjashtim të U-18, për të cilën nuk ka luajtur kurrë./PanoramaSport