TIRANË– Punonjësit te Policisë së Shtetit të angazhuar në strukturat vendore, si vlerësim për punën dhe përkushtimin e treguar gjatë sezonit turistik do të përfitojnë një shpërblim në masën 30.000 (tridhjetë mijë) lekë.
“Të shpërblehen punonjësit e policisë me gradë policore në strukturat vendore me motivacion “Për angazhimin dhe përkushtimin profesional të treguar në menaxhimin me sukses të sezonit turistik duke garantuar rendin dhe sigurinë publike”, në masën 30.000 (tridhjetë mijë) lekë”, thuhet në vendimin e marrë nga kryepolici Ilir Proda.
PËR SHPËRBLIMIN E PUNONJËSVE NË STRUKTURAT VENDORE TË POLICISË SË SHTETIT
Në mbështetje të germës “d”, të pikës 2, të nenit 104, të ligjit nr. 82/2024, “Per Policinë e Shtetit, pikës 11, 12, të VKM nr.4, datë 09.01.2025 “Për miratimin e vlerave për secilin element të pagës bruto mujore dhe përcaktimin e kritereve e të procedurave për dhënien e shpërblimeve për punonjësit e policisë së shtetit”, si dhe letër porosisë nr.3785, datë 06.05.2025 “Për zbatimin e Procedurave për propozimet për dhënie shpërblimi”
URDHËROJ:
- Të shpërblehen punonjësit e policisë me gradë policore në strukturat vendore me motivacion “Për angazhimin dhe përkushtimin profesional të treguar në menaxhimin me sukses të sezonit turistik duke garantuar rendin dhe sigurinë publike”, në masën 30.000 (tridhjetë mijë) lekë.
- Struktura e burimeve njerëzore në strukturat vendore të hartojnë urdhrat për shpërblim së bashku me relacionin përkatës.
III. Ngarkohen drejtuesit e strukturave vendore në Policinë e Shtetit për zbatimin e menjëhershëm të këtij urdhri.
- Efektet financiare, që rrjedhin nga zbatimi i këtij urdhri, përballohen nga buxheti i miratuar për vitin 2025, për programin “Policia e Shtetit”.
- Ngarkohet Drejtoria e Financave, Drejtoria e Burimeve Njerëzore, për zbatimin e këtij urdhri.
Ky urdhër hyn në fuqi menjëherë./Radar.al
