TIRANË– Në seancën e intervistimit të kandidatëve për kreun e SPAK në Këshillin e Lartë të Prokurorisë, anëtarja Arta Mandro zhvilloi një bisede pyetje pergjgije të drejtpërdrejtë me kandidatin Elvin Gokaj lidhur me integritetin dhe pavarësinë e drejtuesit të ardhshëm të institucionit.
Mandro e pyeti Gokajn se sa i ndikueshëm do të ishte nëse ajo do të votonte pro kandidaturës së tij, duke e vënë në një skenar hipotetik ku, pas votës, ajo do të kërkonte mbështetje për një çështje të caktuar.
“Nëse kjo votë më jepet nga ana juaj me kusht, unë nuk do ta pranoja.”- tha ai.
Arta Mandro: Sa të ndikueshëm do ta quani veten tuaj nëse unë do të votoja pro jush, nëse vij në zyrën tuaj dhe kërkoj mbështetjen tuaj për një cështje të caktuar, po unë do të votoj për ju sot me këtë kusht?
Elvin Gokaj: Nëse kjo voto më jepet nga ana juaj me kusht unë nuk do ta pranoja. Nëse lind një problem pas dhënies së kësaj vote do mundohesha që të bindesha që nuk ke të drejtë në ndërhyrjen që bën për të shkelur ligjin./Radar.al