Operacionet për lirimin e hapësirave publike nga ndërtimet e paligjshme po vijojnë në të gjithë vendin. Kryeministri Edi Rama publikoi sot pamje nga një tjetër ndërhyrje e IKMT-së, pjesë e programit “Rilindja Urbane 2.0”, që synon rikthimin e ligjshmërisë dhe hapësirave të përbashkëta për komunitetet.
Aksioni, i nisur në korrik dhe i konceptuar si ndërhyrje e përhershme, është kthyer në prioritet të qeverisjes qendrore dhe vendore.
Qytetarët po raportojnë gjithnjë e më shumë shkelje përmes platformës “Hapësira ime publike”: deri tani janë dorëzuar 16 606 denoncime, nga të cilat 12 643 janë zgjidhur, ndërsa 3 963 janë ende në shqyrtim.
Qeveria ka ashpërsuar masat për mbrojtjen e territorit, kontrollin e lejeve të ndërtimit dhe ndëshkimin e ndërtuesve që shkelin ligjin.