Këngëtarja e njohur dhe e dashur për publikun e muzikës popullore ka rrëfyer në Radar.al ndjesitë e saj për festivalin apo edhe Eurovisionin.
E pyetur në emisionin “Pa filtra” nëse e sheh veten në një festival, apo edhe Eurovision ajo tha se duhet të punosh për atë gjë, por nuk e ka fiksuar këtë gjë me veten e saj, pavarësisht se nga ana artistike nuk i mungon asgjë. “Më thonë shumë herë si nuk të dëgjuam në një këngë magjike, në një festival.
E kam menduar por nuk e kam fiksuar trurin që ta bëj këtë gjë. Nuk e kam ndarë mendjen. Ndoshta duhet t’i njohësh nga afër këto projekte. Po të më mbushet mendja do marr pjesë dhe nuk më intereson nëse fitoj. Pse nuk e shikoj veten? Mua s’më mungon asgjë. Por duhet të punosh për të arritur diku, duhet të punosh për atë gjë. Unë nuk kam punuar për këngë të muzikës së lehtë”, tha Maja.